حاجی گئدیر زیارته / ملانصرالدین
یازار : گئرمي‌لي
+0 به یه ن
ملانصرالدین بیر نفرین آغزیندان ووردو! اللرین وار اولسون. ائله بیل جانیمدان تیكان چیخاردین.
نصرالدّین نیوز: سوریه نین باشقانی!!!، محمود احمدی نژاد، آذربایجانداكی زلزله دن سونرا، ایران ملّتینه، تسلیت دئمه دن، بو اؤلكه نین تورپاغینی عربستان مقصدی ایله ترك ائله دی. دئمه لی ییك كی، عربستاندا سوریه حاقّیندا موذاكره لر كئچیریلیر و سوریه نین باشقانی (احمدی نژاد) اؤزونه تكلیف بیلدی كی حتما بیر گوءن ده بو جلسه دن قاباقجا عربستاندا حاضر اولسون.
بیر عدّه ایران جماعتی، اؤزگه مملكتلردن سؤز اؤیرنركن، احمدی نژادین بو ایشینه اعتراض ائدیرلر. حال بو كی، ۳۰۰ نفرین اؤلمگی ائله ده بؤیوك بیر فاجعه دئییل كی، احمدی نژاد بو فاجعه اوغروندا تسلیت و باش ساغلیغی دئسین. یا دا كی، تلویزیونوموز!!! "خنده بازار" برنامه سینی یایماسین.
ملاّ نصرالدّینجه بو اعتراض لاری اوءزه گتیرن اوءزلو جماعت، یابانجی دؤلتلره باغلی دیرلار. ملاّ نصرالدّین بئله دئییر كی، اصلا احمدی نژادا نه ربطی وار كی، زلزله گلیب، مگر احمدی نژاد زلزله نی چاغیریب؟؟؟
دئییرلر كی یئر ترپنیب
ائولر اوچوب دام لار ائنیب
نه دانیشیب، نه ده دینیب
حاجی گئدیر زیارته
اوشاق یئتیم- یئسیر قالیب
آناسینی گزیر، قالیب
درد الینده اسیر قالیب
حاجی گئدیر زیارته
یولون پامبیق اولسون حاجی
بختین نای نای چالسین حاجی
شادلیق سنه قالسین حاجی
زیارتین قبول اولسون
لینك غیر مرتبط: زیارت مستحبی واجب است یا زلزله ی آذربایجان؟ - سفیرنیوز
سون یازیلار
