گرمی نیوز

گولوم سنسن،باغیم سنسن،گلستانیم بهاریم سان

اگر بیر قوش اولارسام من،خزانسیز لاله زاریم سان

منه مریم،منه عیسی،منه تورات،منه قرآن

سنین عشقینده صنعانم،منیم نازلی خوماریم سان

دیلیم،آغزیم،ﺴﺆزوم سنسن،گلوم،قلبیم،ﮔﺆزوم سنسن

منیم جانیم، اوزوم سنسن منیم صبر و قراریم سان

منیم دردیم، منیم چاره م، هلال ابرولی مه پاره م

كدر سندن، ﺴئوینج سندن، نشاطیم سان، غباریم سان

ﺃورك هر نه دیه لر، سنسن، یگانه بیر دیلك سنسن

جوابیم سان، ﺴﺆالیم سان، مقدس بیر شعاریم سان

گوجوم، آرخام، یاخین دوستوم، یاخیندان دا یاخین دوستوم

پولاد عزمیم، اراده م سن، توكنمز اقتداریم سان

منه بیرمی دولی جام سان، ایلاهی عالی الهام سان

اﺌلیم-طایفام،ﯿﺌریم-یوردوم،شیرین دوغما دیاریم سان

محبت سن،صداقت سن،ملاحت سن،سعادت سن

خزینه م،ثروتیم،واریم،منم سن هر نه واریم سان

دوشونجه م،آرزیم،امیدیم،خیالیم ان ﺑﺆیوك فكریم

منیم سرریم،منیم گیزلین نهانیم،آشكاریم سان

منیم گوندوز گونوم سنسن،ﮔﺌجه آییم سمالاردا

جلالیم،شهرتیم،شانیم،حیاتیم،افتخاریم سان

منه شیرین،منه لیلی،منیم زهره م،زلیخام سان

منمنیم اصلیم،منیم فخریم غروریم سان،وقاریم سان

منیم نغمه م،منیم سازیم،سازیمدا ان لطیف ﺘﺌلسن

منه ان دادلی بیر مجلس،او مجلسده نگاریم سان

ﯿﺌریم زندان،ﺌوزوم محبوس،منی بیر یوخلیان سنسن

ﮔﺌجه طوفانلی دریاده،ایشیقلی بیر كناریم سان

نه اولسون غم قوشون چكمیش،دوتوب اطرافیمی دشمن

باشی داغلار قده ریو كسك اوچولماز بیر حصاریم سان

قاشین طاقی منه معبد،او رعنا قامتین مقصد

قیامتلر،قیام اﺌتسه،منیم پروردگاریم سان

منیم عالی مقامیم سان،منیم عالی مرامیم سان

حیاتدا هر نه ایسترسم ﺴﺆینجی انتظاریم سان

سنی قلبیم له من ﺴﺌودیم،اونی چیرپیندیران سنسن

دﺌمك كی وارلیغیم سنسن ﺃوركده شاه داماریم سان

عزیزیم!بیردانام!اینجیم،ظریفیم!اینجه دلداریم!

بو،یوز بیرﺴﺆزله بیر ﺴﺆزوار كی یعنی شهریاریم سان!

ایندیه‌تك بیله بیلوردم خانم

هرزه و هزیاندی ریاست میزی

ایندی اوتوردوم گورورم آی جانم

تخت سلیمان‌دی ریاست میزی

گرمی نیوز:

بولاق درنگی (خیاو شهریستانی‌نین ادبی درنَگی) آز-آجچا فرقله بیزیم محفلكه تای بیر درنكدیر. فرقی بوردادیركی بولاقدا شعرایله برابر نثره‌ده دَیَر وئریلیر و هر اوچ آیدان بیر ان یاخشی اثرلر سئچیلیب و تانیتدیلیر. اومود ائدیرم بو گوزل عنعنه بیزیم شهریمیزده اولان محفلكده‌ده یئرینه دوشه.

كئچن اوچ آیدا سئچیلمیش اثرلری گرمی نیوز اوخوجولارینا پایلاشماغی اؤزومه بورج حیساب ائدیرم:

سربست شعر بؤلومو:

كیانوش توحیدی
علی بدلی
یعقوب رنجبر


كلاسیك بؤلومو:

دومان یالچین
آرزو مورادی
كیوان قربانی


اؤیكو و اؤیكوجوك بؤلومو:

مهدی اصولی
رمضان كریم‌زاده
محمدعلی جعفری
مهسا عبدالعلیزاده

قایناق: بولاق درنگی

گرمی نیوز:

سنی سئودییمی دئیه بیلمیرم.....

اوشـاقــلار آی اوشـاقـــلار

گلینـگ تـا بئل باغــلایاگ

اؤزگه دیلی دؤشونده

تـوركـی دیلـی سـاخلایاگ

گنجشكه بیز قـوش دئره‌گ

آشنــایـا تـانیـش دئـره‌گ

ابـره بـولـوت سـؤیله ره‌گ

بـارانـا یــاغیـش دئــره‌گ

خـرگـوشه دووشان دئره‌گ

مـوشادا سیـچان دئـره‌گ

لاك پشت اولـور تــوسبـاغا

بیـز مــارا ایــلان دئــره‌گ

گؤز – گؤزه گلدیك بیز، بیر آخشام چاغی

دیسكینیب تیتردی كؤنول بوجاغی

یارانیب بوی آتدی، سئوگی بوداغی

بیرگه سالاملادیق عئشقیمیزی بیز!

سنی اؤزوم ساندیم، اؤزومو ده سن

سنین باخیشیندی كؤنلومه اَسَن

قالمیشدیم ملك سن؟ یا داكی نه سن؟

آیری دوشونمه­ دیم، هئچ بیریمیزی،

سن اؤزونو سئودین، من ایكیمیزی!

هله ده گئج دئییل، دور، آییل، اویان!

اؤلمز سئوگیمیزین رنگینه بویان

او هانسی اینساندیر سئوگیدن دویان؟

گل یولدا قویمایاق بو یوكوموزو

سن ده منیم كیمین سئو ایكیمیزی!

دیرناقلارین آرخاسیندا ایلیشن اوءرگیمین پارچالارینی

یاری قالان دونموش دئییلمز سؤزلریمی

كئچمیشیمدن بو گوءنومه چاتان، آجیلی- شیرینلی گوءن لریمی

سنه تاپشیریرام

قاپی نین سسی نی گؤزله ین قولاق لاریمی

یولوندا یوخوسوز قالان قیزارمیش گؤزلریمی

سنین آدینی چاغیران دیلیمی- دوداقلاریمی

سنه تاپشیریرام