گئرمي نيوز فرق‌لي بير وئبلاگ يئني نسليميز اوچون *** گرمي نيوز وبلاگي متفاوت براي نسل جديد
توركجه شعر

به یاد استاد شهریار

یازار : گرمي نيوز 3

+0 به یه ن

گولوم سنسن،باغیم سنسن،گلستانیم بهاریم سان

اگر بیر قوش اولارسام من،خزانسیز لاله زاریم سان

منه مریم،منه عیسی،منه تورات،منه قرآن

سنین عشقینده صنعانم،منیم نازلی خوماریم سان

دیلیم،آغزیم،ﺴﺆزوم سنسن،گلوم،قلبیم،ﮔﺆزوم سنسن

منیم جانیم، اوزوم سنسن منیم صبر و قراریم سان

منیم دردیم، منیم چاره م، هلال ابرولی مه پاره م

كدر سندن، ﺴئوینج سندن، نشاطیم سان، غباریم سان

ﺃورك هر نه دیه لر، سنسن، یگانه بیر دیلك سنسن

جوابیم سان، ﺴﺆالیم سان، مقدس بیر شعاریم سان

گوجوم، آرخام، یاخین دوستوم، یاخیندان دا یاخین دوستوم

پولاد عزمیم، اراده م سن، توكنمز اقتداریم سان

منه بیرمی دولی جام سان، ایلاهی عالی الهام سان

اﺌلیم-طایفام،ﯿﺌریم-یوردوم،شیرین دوغما دیاریم سان

محبت سن،صداقت سن،ملاحت سن،سعادت سن

خزینه م،ثروتیم،واریم،منم سن هر نه واریم سان

دوشونجه م،آرزیم،امیدیم،خیالیم ان ﺑﺆیوك فكریم

منیم سرریم،منیم گیزلین نهانیم،آشكاریم سان

منیم گوندوز گونوم سنسن،ﮔﺌجه آییم سمالاردا

جلالیم،شهرتیم،شانیم،حیاتیم،افتخاریم سان

منه شیرین،منه لیلی،منیم زهره م،زلیخام سان

منمنیم اصلیم،منیم فخریم غروریم سان،وقاریم سان

منیم نغمه م،منیم سازیم،سازیمدا ان لطیف ﺘﺌلسن

منه ان دادلی بیر مجلس،او مجلسده نگاریم سان

ﯿﺌریم زندان،ﺌوزوم محبوس،منی بیر یوخلیان سنسن

ﮔﺌجه طوفانلی دریاده،ایشیقلی بیر كناریم سان

نه اولسون غم قوشون چكمیش،دوتوب اطرافیمی دشمن

باشی داغلار قده ریو كسك اوچولماز بیر حصاریم سان

قاشین طاقی منه معبد،او رعنا قامتین مقصد

قیامتلر،قیام اﺌتسه،منیم پروردگاریم سان

منیم عالی مقامیم سان،منیم عالی مرامیم سان

حیاتدا هر نه ایسترسم ﺴﺆینجی انتظاریم سان

سنی قلبیم له من ﺴﺌودیم،اونی چیرپیندیران سنسن

دﺌمك كی وارلیغیم سنسن ﺃوركده شاه داماریم سان

عزیزیم!بیردانام!اینجیم،ظریفیم!اینجه دلداریم!

بو،یوز بیرﺴﺆزله بیر ﺴﺆزوار كی یعنی شهریاریم سان!



ریاست میزی

یازار : گرمي نيوز 3

+0 به یه ن

ایندیه‌تك بیله بیلوردم خانم

هرزه و هزیاندی ریاست میزی

ایندی اوتوردوم گورورم آی جانم

تخت سلیمان‌دی ریاست میزی


آرديني اوخو -ادامه مطلب

بولاق درنه‌یینین فصلی یاریشماسی سونوجلاندی

یازار : گئرمي‌لي

+0 به یه ن

گرمی نیوز:

بولاق درنگی (خیاو شهریستانی‌نین ادبی درنَگی) آز-آجچا فرقله بیزیم محفلكه تای بیر درنكدیر. فرقی بوردادیركی بولاقدا شعرایله برابر نثره‌ده دَیَر وئریلیر و هر اوچ آیدان بیر ان یاخشی اثرلر سئچیلیب و تانیتدیلیر. اومود ائدیرم بو گوزل عنعنه بیزیم شهریمیزده اولان محفلكده‌ده یئرینه دوشه.

كئچن اوچ آیدا سئچیلمیش اثرلری گرمی نیوز اوخوجولارینا پایلاشماغی اؤزومه بورج حیساب ائدیرم:

سربست شعر بؤلومو:

كیانوش توحیدی
علی بدلی
یعقوب رنجبر



كلاسیك بؤلومو:

دومان یالچین
آرزو مورادی
كیوان قربانی



اؤیكو و اؤیكوجوك بؤلومو:

مهدی اصولی
رمضان كریم‌زاده
محمدعلی جعفری
مهسا عبدالعلیزاده

قایناق: بولاق درنگی



سنی سئودییمی دئیه بیلمیرم.... / سید مصطفی جمشیدی

یازار : گئرمي‌لي

+0 به یه ن

بورا گونش دوغان ظلمت بوغان‌دیر-بورا موغان‌دیر

یازار : گئرمي‌لي

+0 به یه ن
گرمی‌نیوز:

این یك تكه از شعری بسیار زیباست كه زمانی از رادیو اردبیل شنیدم. هیچ موقع شعر كامل آن را پیدا نكردم و نفهمیدم كه چه كسی آن را سروده است. در حقیقت اگر چه این شعر همیشه درخاطرم زنده مانده است اما به صورت جدی این كار را پیگیری نكردم و اطلاعاتی در مورد ابتدا و انتها شعر و شاعر و... در دست ندارم. تنها خواستم زیبایی این قطعه را با شما قسمت كنم.

بورا گونش دوغان، ظلمت بوغان‌دیر
بورا موغان‌دیر...



"سنی سئویرم" / یاسر فاتحی بابی

یازار : گئرمي‌لي

+0 به یه ن
گرمی نیوز:

بیزده محفكی دلی كیمین سئویریك. بوتون دویغولاریمیزلا، بوتون سئوگی‌میزله. اوزونوزو سئودیرین لوطفا! داها آرتیق چالیشماقلا!

نئجه «سنی سئویرم»لریمدن قورخورسان؟

حال بو كی...

ایل لر بویو یاتان اوءرگیمی

محض بو محبّت سیركه‏له‏ییب چیرپیندیردی...

....




اوشـاقــلار آی اوشـاقـــلار (قاشقای توركجه‌سی‌نده) / ارسلان میرزایی

یازار : گئرمي‌لي

+0 به یه ن
گرمی نیوز:

اسماعیل سالاریان وبلاگی گوزل یازیلاریلا اوخوجولارین ماراقلاندیریر. بو گوزل شعری اوخویاندا ایرحمتلیك زهتابی‌نین "سو دئییبدیر منه اوولده آنام آب كی یوخ" شعری خاطیرلانیر. بو گوزل شعرین اوخوماغی، گرمی نیوزون بوتون اوخوجولارینا تووصیه اولونور.

اوشـاقــلار آی اوشـاقـــلار

گلینـگ تـا بئل باغــلایاگ

اؤزگه دیلی دؤشونده

تـوركـی دیلـی سـاخلایاگ

 

گنجشكه بیز قـوش دئره‌گ

آشنــایـا تـانیـش دئـره‌گ

ابـره بـولـوت سـؤیله ره‌گ

بـارانـا یــاغیـش دئــره‌گ

 

خـرگـوشه دووشان دئره‌گ

مـوشادا سیـچان دئـره‌گ

لاك پشت اولـور تــوسبـاغا

بیـز مــارا ایــلان دئــره‌گ



آرديني اوخو -ادامه مطلب

عئشقیمیزی بیز ... / سید مصطفی جمشیدی

یازار : گئرمي‌لي

+0 به یه ن
گرمی نیوز:

نئچه واخت‌دیر محفلك ائله‌ده چالیشقان دئییل. ائله بیل نئچه هفته یاراداجیلیقدان سونرا بیر نئچه هفته استراحت لازیم اولار. سون گونلرده محفلك یئنی‌دن چالیشماغا باشلاماقدادیر.
"عئشقیمیزی بیز..." گؤزل و كدرلی شعردیر. یاشاییش دفتری‌دیر بو شعر. ایلك گونلر هر شئی یاخشی گئدیر، سونرا یاواش-یاواش اینسانلار بیربیری‌نین دیللرین آنلاماقدا چتینلیك چكیرلر! ایلگی مهارت قورتورور نئچه آیدان سونرا. بو آنلار نئجه كدرلی اولدوغون چكنلر بیلر..... اینسانا یاردیم لازیم اولار بو آنلار. تجروبه‌لی اینسانلار و یا بیلیم‌له دولو كیتابلار...


گؤز – گؤزه گلدیك بیز، بیر آخشام چاغی

دیسكینیب تیتردی كؤنول بوجاغی

یارانیب بوی آتدی، سئوگی بوداغی

بیرگه سالاملادیق عئشقیمیزی بیز!


آرديني اوخو -ادامه مطلب

سن اؤزونو سـئودین، من ایكـیمیزی! / سید مصطفی جمشیدی

یازار : گئرمي‌لي

+0 به یه ن
گرمی نیوز:

سنی اؤزوم ساندیم، اؤزومو ده سن

سنین باخیشیندی كؤنلومه اَسَن

قالمیشدیم ملك سن؟ یا داكی نه سن؟

آیری دوشونمه­ دیم، هئچ بیریمیزی،

سن اؤزونو سئودین، من ایكیمیزی!

...

هله ده گئج دئییل، دور، آییل، اویان!

اؤلمز سئوگیمیزین رنگینه بویان

او هانسی اینساندیر سئوگیدن دویان؟

گل یولدا قویمایاق بو یوكوموزو

سن ده منیم كیمین سئو ایكیمیزی!



آرديني اوخو -ادامه مطلب

سنه تاپشیریرام / یاسر فاتحی بابی

یازار : گئرمي‌لي

+0 به یه ن
گرمی نیوز:

دیرناقلارین آرخاسیندا ایلیشن اوءرگیمین پارچالارینی

یاری قالان دونموش دئییلمز سؤزلریمی

كئچمیشیمدن بو گوءنومه چاتان، آجیلی- شیرینلی گوءن لریمی

سنه تاپشیریرام

 

قاپی نین سسی نی گؤزله ین قولاق لاریمی

یولوندا یوخوسوز قالان قیزارمیش گؤزلریمی

سنین آدینی چاغیران دیلیمی- دوداقلاریمی

سنه تاپشیریرام



آرديني اوخو -ادامه مطلب

سون یازیلار

گئرمي نيوز فرق‌لي بير وئبلاگ يئني نسليميز اوچون *** گرمي نيوز وبلاگي متفاوت براي نسل جديد

گرمي نيوز، فرق‌لي باخيش