گرمی نیوز

                                                    سؤرماشوق آغاجا سیغیشان كیمی.

                                                                                  سنی اونوتماق اؤلورمی ! ؟

كافا: فكر ، خاطر

 بیر گون ‌دیل آچماق اوچون

گول­لر، اولدوز­لار نازیم چكیردیلر!

و منیم یؤلوما اتك لرین سریردیلر!

دونیادا قاطار- قاطار منه باش سالیغی گوندریدیر...

ایندی سه منی سوسدورماق اوچون! گول­لر كؤل اولوب

اولدوزلار كؤنول سیز داشا دؤنوب!

و دونیا منی دارا چكمك اوچون اَل­- آیاق چالیر...

...

اونوتموش اولایدیم گرك

بو یئری،او گون لری

اما ایچیمده بیر شئی سنی سس له ییر

دیلنچیلیك نه چتین دیر آللاه

كاش كی منده بیر دلی اولایدیم...

قورخماز اولموشام . . .

و اوخ‏سوز- قالخان‏سیز

گؤزلرینه باخیرام.

وارلیغم بیر جوت گؤز و بیر نفس دیر كی!

اونلاردا سنین بؤرجون دی!

ایندیسه دونیا باشیما فیرلداسادا، فیرلداسین!

عؤمرومو سئل سو آپارسادا آپارسین!

دانیرام اؤزومی بو سؤزدن كی هله وارام...

ایستكلی بیر شكیل چكیب

            گوزلریمین ببك لرینده یاشایان

                                   پاریلداق اولدوزلار

اینانمیرسان گوزلیم؟

قوی سنی بولود بولود آغلاییم

             گوره سن كی نئجه دی...