وای وای یئنه بیچاره اوغول موشكوله دوءشدو - مدرسه لرده نه كئچیر / ملانصرالدین
یازار : گئرمي‌لي
+0 به یه ن
گرمی نیوز:
تحصیلی ایلین قورتارماسی موناسبتینه، مولاّ نصرالدّینین خاطره سی و شعری
مولاّ نصرالدّینین باجی سیندان چكدیگی ایكی كاریكاتورونا گؤره تشكّور ائدیریك.
مكتب خانادان چیخان اوغلان كتاب لارینی جیریب داغیدیردی. كئف ائله ییردی. آخی امتحانلار قورتارمیشدی و داها راحت اولموشدو. مكتب خانادان چیخا- چیخا معلّمینه سؤیوش هدیّه وئریردی. ملاّ هر نه یی گؤروردو، سوروشدو: اوغلوم، نیه كتاب لاری داغیتدین؟ - داها دردیمه دگمیر. - امتحانی یاخشی یازدین؟ - كاغاذین آغ قایتاردیم. - به شهریورده امتحان وئرمه یه جكسن؟ - دده مه دئیه جم زنگ وورا معلّمیمیزه، او دا منه نومره وئره جك. اوشاق، بونو دئین كیمی، اوجادان گوءلوب، مولاّدان اوزاقلاشدی. ملاّ اوشاغا باخا باخا فكره گئتدی. چوخدان ایدی كی بئینینده دولانیردی نیه بو اوشاقلار گئده گئده آنلاجاق لاری آزالیر. . . |
|
|
وای وای یئنه بیچاره اوغول موشكوله دوءشدو وای وای یئنه بیجا یئره دیلدن دیله دوءشدو اوغلوم كی، گئدیر مدرسه یه، دیپلوما خاطر هئی درس اوخودو، امتحانیندا بئله دوءشدو اوغلوم، اوخوما، نومره نه دیر، درس نه لازم بو اؤلكه میزین علمی سارای تك سئله دوءشدو یوخ یوخ، هله سئلدن دیری چیخماق اولار آمّا علم اؤلدو داها، پای كیمی عزراییله دوءشدو اوغلوم كیم اگر درس اوخوسا عقلی یوخ آنجاق من گؤردوم اؤزوم، درس اوخویان لار چؤله دوءشدو دونیادا كئف آنجاق سنه دوءشدو بونو بیلسن غم غوصّه جهان ایچره دلی بوءلبوله دوءشدو بیلسن نه كئچیر دونیادا چوخ تئز قوجالارسان عؤمرون اوزون اولسون، كی، اؤلوم عاقله دوءشدو سن گئد قفه یه قلیانی چاق ائیله كئفین چك چوخ غم یئمه، باخ آغ دنه پوزغون تئله دوءشدو اوّلده كی دونیانی یاراتدی بؤیوك آللاّه فال آچدی فلك جومله جهان جاهله دوءشدو آی مولاّ نصی سن بو گؤزل اوغلانا بیلدیر بیلمكدن اؤتور باشیوا داش ضرب ایله دوءشدو |
|
|
ملانصرالدّینین قیزیل سؤزلری: اوغلونا نومره ایسته ین آتایا عشق اولسون. (نصرالدّین نامه) |
سون یازیلار
