گرمی نیوز

قونودا قالخان گؤزلریم

                     دیلنیر سنی

اللریم الینی

            وارلیغیم دا سسینی

اورگیمی اوووجومدا گیزله دیب

                             دوشورم یوللارا

هامی مندن كئچیر ،من دایانیرام

بیرینجی دفعه بیر-بیریمیز سئودیگیمیز یئرده

بوردا یاشیل گون لریمیزین اؤلومون

                                      بیر آغاج آغلاییر

و همیشه بیزی بیرلیكده گؤرن بیر دلی ده

                                       سن سیزلیگیمی گولور

اونوتموش اولایدیم گرك

بو یئری،او گون لری

اما ایچیمده بیر شئی سنی سس له ییر

دیلنچیلیك نه چتین دیر آللاه

كاش كی منده بیر دلی اولایدیم...