سن اؤزونو سـئودین، من ایكـیمیزی! / سید مصطفی جمشیدی
یازار : گئرمي‌لي
+0 به یه ن
گرمی نیوز:
سنی اؤزوم ساندیم، اؤزومو ده سن
سنین باخیشیندی كؤنلومه اَسَن
قالمیشدیم ملك سن؟ یا داكی نه سن؟
آیری دوشونمه دیم، هئچ بیریمیزی،
سن اؤزونو سئودین، من ایكیمیزی!
سنسیزلیك الینده اوینادیم گولوم
آجی قایناغیندا قاینادیم گولوم
سندن آیریلماغا قییمادیم گولوم
جانیملا قورودوم، بو ایلگیمیزی،
سن اؤزونو سئودین، من ایكیمیزی!
او معصوم گؤزلی گؤرمورم داها
او قیزیل ساچینی هؤرمورم داها
اسكی آنیلاری سورمورم داها
یارادیب یاشاتدیق ایلیشكیمیزی
سن اؤزونو سئودین، من ایكیمیزی!
هله ده گئج دئییل، دور، آییل، اویان!
اؤلمز سئوگیمیزین رنگینه بویان
او هانسی اینساندیر سئوگیدن دویان؟
گل یولدا قویمایاق بو یوكوموزو
سن ده منیم كیمین سئو ایكیمیزی!
91-جی ایلین تیر آیینین 5-ی
سون یازیلار
