گرمی نیوز

گؤز – گؤزه گلدیك بیز، بیر آخشام چاغی

دیسكینیب تیتردی كؤنول بوجاغی

یارانیب بوی آتدی، سئوگی بوداغی

بیرگه سالاملادیق عئشقیمیزی بیز!

هر گئجه دانیشدیق، قاش قارالینجا

سن- من سورونوردوك، سئوگی دالینجا

بو عئشقی قورودوق، یئرین سالینجا

كؤنوله جالادیق عئشقیمیزی بیز!

كئچدیكجه زامانلار دییشدین گولوم

بو عئشقین اوستونه یاغدیردین ظولوم

او آنلار ایسته­ دیم اریییم اؤلوم

بیله­ رك تالادیق عئشقیمیزی بیز!