سنه تاپشیریرام / یاسر فاتحی بابی

یازار : گئرمي‌لي

گرمی نیوز:

بو شعر خانم مهتاب برمكین شعری نین تاثیرینده یازیلیبدیر...

كیپریگیمین نارین یاغیشین
سوزولوب آخان یاناغمیدان
و اوزومو ایسلادان
گؤزیاشیمی سنه تاپشیریرام...

"مهتاب برمك"

دیرناقلارین آرخاسیندا ایلیشن اوءرگیمین پارچالارینی

یاری قالان دونموش دئییلمز سؤزلریمی

كئچمیشیمدن بو گوءنومه چاتان، آجیلی- شیرینلی گوءن لریمی

سنه تاپشیریرام

قاپی نین سسی نی گؤزله ین قولاق لاریمی

یولوندا یوخوسوز قالان قیزارمیش گؤزلریمی

سنین آدینی چاغیران دیلیمی- دوداقلاریمی

سنه تاپشیریرام

آمّا گؤزلیم

منه قایتاردیغین

عالمه طوفانلار سالان محبّتی

كیمه تاپشیریم.

سون یازیلار

گئرمي نيوز فرق‌لي بير وئبلاگ يئني نسليميز اوچون *** گرمي نيوز وبلاگي متفاوت براي نسل جديد