گرمی نیوز

گرمی نیوز:

خلقیم یاشاییب تاریخی عصیانلا ر ایچینده  

حق اولدوغونو  ثابت  ائدیب قانلار ایچینده

شهرت قازانیب باش اوجا انسانلار ایچینده  

ایندی ائلیمین گور سسی میدانلار ایچینده

الحق كی ترختوردو ترختوردو ترختور

توپ میدانینین قهرمانی، قوردو ترختور

جولانه چیخیر توپچوسو قافلان كیمی احسن 

 دروازه آچیر حمله سی ولكان كیمی احسن

محكمدی مرامیندا كاظم خان كیمی احسن 

دالغا یارادیر دریادا توفان كیمی احسن 

شان شهرته میندیردی بیزیم یوردو ترختور

الحق كی ترختوردو ترختوردو ترختور

تیم لر آراسیندا هله قا بل تایی یوخدو 

                        ائل نعره سی وار اوندا  یالاندان هایی یوخدو

دوزدور كی حكومت نظرینده پایی یوخدو 

           خلق ایچره طرفدارلاری نین هیچ سایی یوخدو

حقا كی اوره ك لرده قوروب اردو تراختور

باخ  نیتینه ملتینی سس سسه ایستیر 

                                ایراندا مساوات نسیمین ا سه ایستیر

قانوندا اولان  احترامی هر كسه ایستیر 

                        توركون ائلینه اؤز دیلیجه مدرسه ایستیر

اؤز مسلكینه بیر یئنی منشوردو ترختور

الحق كی ترختوردو ترختوردو ترختور

اصلاندی اونون گنج لری اؤلكه سی اورمان 

                 جولاندا جسارت خویونو ائتدی نمایان

اولدو هونریندن  باش اوجا آذربایجان

                            ایستیر كی كؤراوغلو مرامین آنلیا دوران

قولدور قاباقیندا دایانیب  دوردو تراختور

الحق كی ترختوردو ترختوردو ترختور

آلقیش چیلارین گؤر نئچه میلیون اویونوند ا  

                    سانكی دایانیب یان یانا بابك قوشونوندا

چون خلقینه قائلدی تعهد بویونوندا   

                                 دائم ایاغی كیپدی رسالت پوتونوندا

فوتبالدا دؤیوش تك ایشینی گؤردو ترختور

الحق كی ترختوردو ترختوردو ترختور

ستار خانا تای حقّیمیز اوسته دوراریق بیز  

                              باقرخانا تای غیرت اجاقی قوراریق بیر

آذر ائلی ییك ظلم ائوینه اود ووراریق بیز  

                 همت ائله سك اورمو گؤلون دولدوراریق بیز

هر  آلچاق اوجانی نئجه كی سوردو ترختور

 

بیرلیك پیامین  پایلادی قارداشلار ایچینده 

                 توركون هارایین چكدی وطن داشلار ایچینده  

گور گور یئریدی داغ دره ده داشلار ایچینده 

                     ائتدی  باش اوجا ملتینی باشلار ایچینده

هر زیروه ده كی بایراقینی ووردو تراختور

الحق كی ترختوردو ترختوردو ترختور

اسمكده دی بایراقی ظفر زیروه لرینده  

                              دشمن لری حیراندی توكنمز هنرینده

پولچوك قوشانی چوخدو چالیشسین ضررینده

                تا ارجی اوجالسین اوج آلانلار نظرینده

آلچاق حریفین بوز قولاغین بوردو ترختور

الحق كی ترختوردو ترختوردو ترختور

http://www.shoja86.blogfa.com/post-52.aspx