گرمی نیوز

گرمی نیوز:
یاسر فاتحی بابی، "انجمن مجازی شعر شهرستان گرمی" نین مودورو و محفلك‌ده چالیشان شاعیرلردن‌دیر. اونون سون شعری‌نین سیزین‌له پایلاشیریق.

سنی سئومه‏مك اوˇچون

اؤلوم گركدیر

تورپاق‏لارا دؤنمك

یئلده سوورولماق

اودلار قوینوندا یانماق

كوˇل اولماق گركدیر

 

آمّا؛

من اؤلسم ده

تورپاق‏لارا دؤنسم ده

یئلده سوورولسام دا

اودلار قوینوندا یانسام دا

كوˇل اولسام دا

 

تورپاق‏لاریمدان چیخان گوˇل سنین قوخونو وئره‏جك

آتشیم سنی سسله‏یه‏جك

و كوˇلوم سنی

تكجه سنی آختاراجاق گوˇلوم

 

سنی سئومه‏مك اوˇچون

بو دونیادان كؤچمك گركدیر

وار اولماقدان كئچمك

گئدیب گلمه‏مك

یوخ اولماق گركدیر

 

آمّا من

بو دونیادان كؤچسم ده

وار اولماقدان كئچسم ده

گئدیب گلمه‏سم ده

یوخ اولسام دا

 

سنی سئوه‏جگم

سنی آختاراجاغام

یوخلوقداكی وجودوم سنی

تكجه سنی آختاراجاق گوˇلوم

 

سنی سئومه‏مك اوˇچون

هئچ بیر یول تانیمیرام . . .

http://mahfelak.blogfa.com/post-183.aspx