نه اوچون قیریلیرلار بیزیم بالیق‌لاریمیز؟
یازار : گئرمي‌لي
+0 به یه ن
نه‌دیر بو بالیق‌لارین گوناهی؟ كیمین آهی توتوب بونلاری كی
بئله طایفالیق‌لا قیریلیب یوخا چیخیرلار؟ نه اوچون ساغیر قالیب‌لار بالیق‌لاریمیز؟
كیم‌دیر اولمه‌دن اونجه سسین ائشیتسین بالیق‌لاریمیزین؟ هانسی اینسان‌لار بونو
ائشیتمه‌لی‌دیرلر؟ كیم‌لر؟ هانسی كار اولموش قولاق‌لار؟
بیر زامان‌لار واریدی ویجدان واریدی اینسان‌لارین آراسیندا،
هه بیر زامان‌لار ویجدان واردی اینسان‌لار آراسیندا.....
میزیندن موحكم یاپیش كی اونسوز سنین بئش قیران‌لیق‌دا ده‌یه‌رین
– ارزیشین یوخ‌دور. دوزون ایسته‌سن هئچ او میزینن قاریشیق‌دا بئله‌دیر، ویجدان‌سیز
اینسانین ده‌یه‌ری او اولو بالیق‌لاردان‌دا آزدیر. تكینه و یا صندلی‌سی‌نن بیرلیك‌ده...
بوراخایین بو صندلی‌لریندن یاپیشان آلچاق‌لاریمیزی. گلین
اوزوموز بالیق‌لاریمیزا یاس ساخلایایین. گلین بالیق‌لاریمیزا یاشاییش بخش ائده‌یین....
گلین یئنی‌دن تمیزله‌یه‌یین گولوموزو، بالیق‌لار بوراخایین
گولوموزه. گلین صاحیب دورایین شهریمیزه، تورپاغیمیزا، گولوموزه، بالیق‌لاریمیزا....
بیر زامان‌لار خیرداجا قارابالیغین داستانین اوخویوردوم،
ایره‌حمتلیك بئهرنگی‌دن. دونیانین سونسوز حقیقت‌لرین آختاران بالیغین ناغیلی.
ایندی بیزیم بالیق‌لاریمیز، اوشاق‌لاریمیز دونیانین حقیقت‌لریندن خبرسیز ائله اوز كیچیك
آرخمیزدا اوز الیمیزله تلف اولورلار....
گلین یاشاییشیمیزا یئنی‌دن بیر باخایین. گلین گوزگو
قاباغیندا دوروب اوزوموزدن سوال سوروشماق‌دان قاچمایایین. گوره‌یین بیزم گوره‌وه‌میز
بو اولن بالیق‌لار قاباغیندا نه‌دیر؟ نه ائده‌بیلردیك؟ نه ائتدیك؟ ایندی نه ائتمك
ایسته‌ییریك؟
اینانیرام كی هئچ نه! دییه‌ن‌لر قاباغیندا فیكیره گئدن‌لریمیزین
سایی‌سی‌دا آز دئییل. اینانیرام كی شهریمیزین گنج‌لری، آیدین‌لاری بیرلیك توپلوم‌لار
قوروب بو فاجیعه‌لرین اونون آلماق‌دا بویوك آددیم‌لار آتاجاییق....
شكیل گرمی - مغان وئبلاگیندان گوتورولوب.
سون یازیلار
