گرمی نیوز

گرمی نیوز:

 

نئچه گون بوندان اونجه قادر دهقان‌ین فرمانداری‌دان چیخاردیلیب، آموزش و پرورش‌ه قاییدیش خبری سورعت‌له یاییلدی. نئچه گون‌دن سونرا خبر گلدی كی عبداله ابراهیم‌زاده‌ده بو یولو گئتمه‌یه مجبور قالیب.

 

حاكیم قودرت مساله‌یه نئجه‌یه باخیر

حاكیم قوردت ایچه‌ری‌ده نه‌لر كئچمه‌یه باخمایاراق، اینتئرنئت دونیاسیندا بئله بیر دوشونجه پایلاشیرلار كی گویا بو مساله سیاسته هئچ بیر دخلی یوخ‌دور و ده‌ییشیك‌لیك‌لر یوخاری‌دان گلن "دستور" دورلار.

آینه وئبلاگی خبری یاییب، لینك وئرمه‌دن ایددیعا ائدیب كی دوولت وزارت كشور خیدمت ائدن آموزش و پرورش نیرولارینین ماموریتین تمدید ائتمك‌له موخالیف‌دیر. همچینین بو وبلاگ بئله بیر ایددیعا ایره‌لی سوردو كی بو ده‌ییشیك‌لر سیاسی آخین‌لارلار ایلگی‌سیزدیر[i]

همین قوروپا باغلی اولان بیر آیری نفر، آذرمغان وئبلاگیندا بئله بیر فیكیر ایره‌لی سوردو كی بیز هامیمیز حاجی ولی‌نین بویوك شخصیت‌ینن تانیشیق. بئله ایش‌لر یوخاری‌دان گلن دستورلاردیر یوخسا حاجی ولی بئله ایش‌لر گورمك‌دن اوزاق‌دیر.

 

یئنی نوماینده‌یه باغلی اولان‌لار مساله‌ باره‌سینده نئجه دوشونورلر

یئنی‌ نوماینده‌یه باغلی اولان وئبلاگ‌لار بو عملین سیاسی بیر مساله اولماغینا شك ائده بیلمیرلر. بونلار ائله قادر دهقان ده‌ییشیلن زامان اوز فیكیرلرین آیدین صورت‌ده بیلله‌ندیرمیش‌دی‌لر[ii][iii].

آزادلو سایتی آینا سایتی‌نا جاواب اولاراق یازدی كی گوره‌جه‌ییك بو ده‌ییشیك‌لر سیاسی آخین‌لارا باغلی‌دی یا یوخ؟[iv] آذرمغان وئبلاگی‌دا بئله بیر ایددیعا ایره‌لی سوردو كی بو سونامی‌نین ائتگی‌لری یوخاری‌لاراجان‌دا چاتاجاق[v]. بللی دئییل كی بو ایددیعا اولونان "یوخاری‌لاردا اه‌یلشن‌لر" كیم‌لردیرلر.

آذرقلم گرمی‌ده بو خبری یایماق‌لا قادر دهقان‌لا عبداله ابراهیم‌زاده‌نین بیر آلین یازماسی‌نا گیریفتار اولماق‌لارین سویله‌دی[vi]. همین وئبلاگ سون یازی‌سی‌ندا بئله بیر دوعا یازیب كی ای تانری هاچان مردم بو ظالیم و سیتم‌كار قوروپون الیندن قورتاراجاق‌لار[vii].

 

گئرمی نیوز مساله‌یه نئجه باخیر

گئرمی‌نیوزه گوره مساله‌نین سیاسی اولماغین‌دا شك ائتمك چتین‌دیر. آزادلو سایتی‌نین یازدیغی جومله گوزل صورت‌ده مساله‌یه ایشاره ائدیب. حاكیم قودرت‌ه بئله بیر سوال‌دا وئرمك اولار:

اگر بو یوخاری‌دان گلن بیر دستوردورسا اوندا بوتون شهریستان‌لاردا بوتون ایداره‌لره گئدن بیر دستوردور. بو دستورو كیم وئریب؟ هاچان؟ و هانسی شهرلرده نئجه ایجرا اولونوب‌دور؟ الان گئرمی‌نین اوزونده دوروم نئجه‌دیر؟ بوتون ایداره‌لرده اولان موعللیم‌لر اوز ایش‌لرین قاییدیب‌لار و یا قاییداجاق‌لار؟ و...

 

گئرمی نیوز بوندان اونجه قادر دهقان اوچون یازدیغی یازی‌سی‌ندا بو قونودا اولان دوشونجه‌سین آیدین صورت‌ده یازمیشدی[viii]. ایندیده بئله نظره‌ گلیر همیشه اولدوغو كیمین هر شئی بویوك بیر سیاسی ساواش اوچون حاضیردیر. گئنه‌ده هر شئی ده‌ییشه‌جك ایداره مسئول‌لاریندان – مدرسه‌لرین معاون‌لرینه‌جن.

 

بو مساله‌نین بویوك اهمیتی اولدوغو اوچون گئرمی نیوز دفعه‌لرله بو مساله‌یه قاییداجاق. هر شئیه یئنی‌دن باخماق لازیم‌دیر....