قوزلو كندی‌له تانیشلیق
یازار : گئرمي‌لي
+0 به یه ن
قوزلو كندی اردبیل ایالتی نده یئرلشن موغان بولگه‌سی‌نین مركزی بولومو و اینی قصبه سینین گوزل كندلریندن بیری دیر. بو كند 39 درجه و صیفیر دایاقا قوزئی ائنلم‌لرینده و 48 درجه و 8 دایاقا دوغو بویلام‌لاریندا یئرلشیب.[1] [2]
Mündəricat |
قوزلونون آدی
بعضی یئرلی اهالی، بو كندده چوخ گیردكان آغاجی اولدوغو اوچون اونو قوزلو آدلاندیرماغین ایدیعا ائدیرلر. آما آزربایجان‌نین آیری گیردكان اولمایان یئرلرینده قوزلو آدلا اولان كندلره دفعه‌لرله راست گلمك اولار. جیناب عادیل ایرشادی فر بئله یازیر كی بو كندلر اوغوزلارین ایلك مسكون‌لاشدیغی یئرلردیرلر. عرب‌لر بو یئرلره غوزلو دئییرمیش‌لر. توركجه‌ده سوزلرین اولینده غ سوزجویو گلمیر و بو آد ایندی قوزلو آدی‌لا آدلانیر.[1] [2] [3] [4]
جاماعات
قوزلو كندی 1365، 1370 و 1375 ایللرینده ترتیب‌له 58، 60 و 50 ائو عائیله هابئله 403، 357 و 295 نفر جاماعتی وار ایمیش. بو كندین جاماعاتی‌نین دیلی، بوتون بولگه كیمین آزربایجان توركجه‌سی‌دیر و مذهبی اون ایكی ایمام‌لی شیعه دیر.[1] [2]1385 اینجی ایلین نوفوس سایییسی اساسیندا بو كندین 222 نفر اهالی‌سی وار. [5]
ایقتیصادیات
قوزلو كندی‌نین اهالی‌سی اكینچی‌لیك، مال داوارچیلیق، باغدارلیق، آری چیبین چیلیغ و ساییره ایشلرله یاشاییش سورورلر. [3] [1] [2]
جوغرافیایی موقعیت
قوزلو كندی قوزئی‌دن قنبرلی و ایزمارا كندلرینه؛ گونئی‌دن اینی كندی‌نه، دوغودان بی اره ، یوخاری شاوون و تپه كندلرینه و باتی‌دان گئرمی داغی‌نا محدوددور. [3] [1] [2]
گوزل و گزمه‌لی یئرلر
قوزلو كندی باغ-باغات‌لی كند اولماق‌لا، گئرمی شهری‌نین هابئله یان-دوره‌ده اولان كندلرین اهالی‌سی‌نه بیر گزمه‌لی یئر حیساب اولونور. بو كندین گزمه‌لی یئرلریندن شوله لر دره سی، گیردكان باغ‌لاری و اسكی تپه‌لری آد آپارماق اولار.[1] [2]
قوزلونون رسیم خاناسی
-
قوزلو كندی‌ندن بیر منظره
-
قوزلو كندی‌ندن گوزل منظره
-
جوما شوله‌سی، شوله لر دره سی‌نده
-
بویوك شوله؛ شوله لر دره سی‌نده
-
قوزلو كندی‌نین بویوركانی
-
قوزلو كندی‌نده گیردكان(قوز) آغاجی
بیرده باخ
خاریجی كئچیدلر
- موغان بولگه سی نین فرمانداری سی
- قوزلو كندی‌نین خریطه‌سی-ویكی‌مپیا
- قوزلو كندی‌نین خریطه‌سی-قوگئل مپ
- قوزلو كندی‌اوچون وئبلاگ
- قوزلو كندی اوچون آزربایجان توركجه‌سینده وئبلاگ
قایناق
- ↑ 1,0 1,1 1,2 1,3 1,4 1,5 پژوهشی در جغرافیای مغان، سید محمد ابراهیمی، انتشارات نیك اموز، 1385
- ↑ 2,0 2,1 2,2 2,3 2,4 2,5 قوزلو كندی نین اوزل وئبلاگی
- ↑ 3,0 3,1 3,2 قوزلو كندی‌نین بوروشورو
- ↑ فرهنگ واژه گان تركی در زبان و ادبیات فارسی، عادل ارشادی فر، باغ اندیشه
- ↑ ایرانین آمار مركزی
http://az.wikipedia.org/wiki/%D9%82%D9%88%D8%B2%D9%84%D9%88
سون یازیلار
