گرمی نیوز

گرمی نیوز:

ملانصرالدین وئبلاگی ادبیات قونوسوندا نئچه گوندور كی ایشه باشلاییب‌دیر. گرمی نیوز بو بویوك ایشه باشلاماق اوچون ملانصرالدینی آلقیشلاییب و چالیشمالاریندا اوغورلار دیله‌ییر. ایكی نوكته‌ده دئمك لازیم‌دیر كی بو وئبلاگ‌دا "شهرستان مغان (گرمی)" عوضینده "گرمی" و "تركی آذری" و یا "تركی آذربایجانی" عوضینده "آذری" قاورام‌لاریندان فایدالانیلیب‌دیر. اومود ائدیرم كی بو كیچیك یانلیش‌لیق‌لار تئزلیك‌له اوز حللی‌نی تاپسین. "منیم شهریم" شعری بو وئبلاگ‌دان اوخوجولارا تقدیم اولونور:

منیم شهریم لیغ ایدی بالا

هر یانی دره داغ ایدی بالا

چالا چولاسی چوخ ایدی بالا

سنی یاناسان شهری تیكن، اوخلاناسان شهری تیكن

نئجه كی من یاندیم اودا، سن یاناسان شهری تیكن

منیم شهریم توز ایدی بالا

آغالاری دا قیز ایدی بالا

ایش لر یئرینه سؤز ایدی بالا

سنی یاناسان شهری تیكن، اودلاناسان شهری تیكن

نئجه كی من یاندیم اودا، سنی یاناسان شهری تیكن

منیم شهریم شهر دئییلدی

نه اوءچون اونا شهر دئییلدی؟

باشیمیزا درد بلا تؤكولدو...

سنی یاناسان شهری تیكن، اودلاناسان شهری تیكن

نئجه كی من یاندیم اودا، سنی یاناسان شهری تیكن

شهریمیزین بختی قارادیر

خیابانی دا یارا- یارادیر

هله ده تزه چالا یارادیر

سنی یاناسان شهری تیكن، اودلاناسان شهری تیكن

نئجه كی من یاندیم اودا، سنی یاناسان شهری تیكن

http://nasraddin.blogfa.com/post/2