سنسن منی بو دونیایا باغلایان / سید مصطفی جمشیدی

گرمی نیوز:

یئنه گوزل بیر شعر سید مصطفی جمشیدی دن سیز عزیز اوخوجولارا سونولور. بو شعر محفلك وئبلاگیندان گوتورولوب.

آتمیشام دونیانین ایری-دوزونو

اؤزگه كی هئچ بیه نمیرم اؤزومو

اوخوماق ایستیرم او گول اوزونو

سندن باشقا هر بیر شی منه یالان

سنسن منی بو دونیایا باغلایان

تكجه بیری هر نه اولارمیش دئمه

اوندان اوزاق هرنه سولارمیش دئمه

اونسوز گؤزلر هر آن دولارمیش دئمه

سنی اورك آختاریب تاپیب یامان

سنسن منی بو دونیایا باغلایان

زامان كئچیر گون به گون آرتیر آجی

بئله كی گؤرسه نیر یوخدور علاجی

كؤنلومون دایاغی باشیمین تاجی

سن گئدنده اورییم دئییر "دایان"

سنسن منی بو دونیایا باغلایان

یئتمه ینده نفسین نفسیمه

گئنیش دونیا چئوریلیر قفسیمه

گؤزلرینی باغلاما هوسیمه

آیریلیقدی گؤزلریمده چاغلایان

سنسن منی بو دونیایا باغلایان . . .

سون یازیلار

گئرمي نيوز فرق‌لي بير وئبلاگ يئني نسليميز اوچون *** گرمي نيوز وبلاگي متفاوت براي نسل جديد