گرمی نیوزون ایشه باشلاماسیندان بیر آی كئچدی!
یازار : گئرمي‌لي
+0 به یه ن
گرمی نیوز:
گرمی نیوزون ایشه باشلاماسیندان بیر آی كئچدی. گرمی نیوز گولن آی (اردیبهشت آیی) ین 12-اینجی گونوندن ایشه باشلاییب‌دیر. بوگون گرمی نیوز ایكینجی آیا كئچیب. اومود ائدیرم كی آی‌لارین كئچیشینده ایش‌لریمیزین كیفیتی آرتاجاق‌دیر و یاییلان خبرلر و یازیلار اوخوجولارین ایستك‌لرینه جاواب وئره بیله‌جك.
گرمی نیوز كئچن بیر آی‌دا
گرمی نیوز كئچن ایلك آییندا اوست-اوسته گونده 200-دن چوخ باخیلیب‌دیر. طبیعی‌دیر كی ایلك گون‌لر وئبلاگا گلن‌لرین سایی آز ااولوب و سون گون‌لرده گوروش‌لرین سایی چوخالیب‌دیر. بئله باخماق اولار كی ایلك گون‌لرده گوروش لر عومومن 100 دووره‌سینده ایدی و زامان كئچدیكجه 400 گوروشه قالخدی. گرمی نیوز باخیشیندا ایلك آی اوچون گوروش‌لر كیفایت قدر اولوب دور و وئبلاگ اوز اوخوجولارین یاواش-یاواش تاپا بیلمه‌یه ناییل اولوب‌دور. اومود ائدیرم كی گلن آی‌لاردا فرق‌لی آمارلارلا ایره لیله یه جه ییك.
گرمی نیوز، فرق‌لی باخیش
گرمی نیوز بیر نئچه پرینسیپ‌لر اساسیندا چالیشمالارینا داوام ائدیر:
1- آغ-قارا آدام یوخدور. اینسان‌لار نه حدده پیس اولسالاردا اونلارین ایش‌لرینده یاخشی‌لیق‌لار تاپماق مومكون‌دور. عكس حال‌دا اولور، نه حدده یاخشی اینسان اولورسا اولسون یانلیش‌لیق‌لار قاچیلمازدیر. بونا اساسن گرمی نیوز هئچ بیر اینسانی و یا مسئول تام یاخشی و یا تام پیس گورمه‌ییر. گرمی نیوز چالیشیر یاخشی ایش‌لردن تعریف ائتسین و پیس ایش‌لری پیس‌له‌سین.
2- بولگه‌نین ایره‌لیلیشی هر شئی‌دن اوستون‌دور. طایفالار - باندلار آراسیندا اولان ایختیلاف‌لار طبیعی‌دیر. آیدین‌لاریمیز طایفالار-باندلار منفعت‌لریندن اونجه بولگه‌نین منفعت‌لرینه باخمالی‌دیرلار. قوی شهریمیزین كندیمیزین ایره‌لیلیشی بیزدن اولمایان اینسان‌لار الی‌له اولسون. هر كس بولگه‌یه خیدمت ائدیرسه گرمی نیوز اونا ال‌لرین وار اولسون دئییر.
3-سیاسی مساله‌لر و بولگه‌ده اولان موشكول‌لر باشدا اولماق‌لا گرمی نیوز چالیشیر بولگه‌نین كندلرین، شاعیرلرین، آدلیم‌لارین، گوزل‌لیك‌لرین و.... تانیتسین. بو یول‌دا آتیلان آددیم‌لار هله‌لیك كیچیك اولسادا گله‌جك‌ده چالیشمالار اوچون یارارلی اولاجاق‌لار. بللی‌دیر كی گرمی نیوز ادبییات قونوسونا ماراق‌لی‌دیر. بونا اساسن بولگه شاعیرلرینین سون شعرلری و یا یازی‌لاری‌ندا بورادا تاپماق مومكون دور....
آرزو ائدیرم كی وئبلاگ یارانما ایل دونومونده فرق‌لی بیر دوروم‌دا یاشایاجاییق.
هامینیزا حورمت‌له؛ گئرمی‌لی
گرمی نیوزون ایشه باشلاماسیندان بیر آی كئچدی. گرمی نیوز گولن آی (اردیبهشت آیی) ین 12-اینجی گونوندن ایشه باشلاییب‌دیر. بوگون گرمی نیوز ایكینجی آیا كئچیب. اومود ائدیرم كی آی‌لارین كئچیشینده ایش‌لریمیزین كیفیتی آرتاجاق‌دیر و یاییلان خبرلر و یازیلار اوخوجولارین ایستك‌لرینه جاواب وئره بیله‌جك.
گرمی نیوز كئچن بیر آی‌دا
گرمی نیوز كئچن ایلك آییندا اوست-اوسته گونده 200-دن چوخ باخیلیب‌دیر. طبیعی‌دیر كی ایلك گون‌لر وئبلاگا گلن‌لرین سایی آز ااولوب و سون گون‌لرده گوروش‌لرین سایی چوخالیب‌دیر. بئله باخماق اولار كی ایلك گون‌لرده گوروش لر عومومن 100 دووره‌سینده ایدی و زامان كئچدیكجه 400 گوروشه قالخدی. گرمی نیوز باخیشیندا ایلك آی اوچون گوروش‌لر كیفایت قدر اولوب دور و وئبلاگ اوز اوخوجولارین یاواش-یاواش تاپا بیلمه‌یه ناییل اولوب‌دور. اومود ائدیرم كی گلن آی‌لاردا فرق‌لی آمارلارلا ایره لیله یه جه ییك.
گرمی نیوز، فرق‌لی باخیش
گرمی نیوز بیر نئچه پرینسیپ‌لر اساسیندا چالیشمالارینا داوام ائدیر:
1- آغ-قارا آدام یوخدور. اینسان‌لار نه حدده پیس اولسالاردا اونلارین ایش‌لرینده یاخشی‌لیق‌لار تاپماق مومكون‌دور. عكس حال‌دا اولور، نه حدده یاخشی اینسان اولورسا اولسون یانلیش‌لیق‌لار قاچیلمازدیر. بونا اساسن گرمی نیوز هئچ بیر اینسانی و یا مسئول تام یاخشی و یا تام پیس گورمه‌ییر. گرمی نیوز چالیشیر یاخشی ایش‌لردن تعریف ائتسین و پیس ایش‌لری پیس‌له‌سین.
2- بولگه‌نین ایره‌لیلیشی هر شئی‌دن اوستون‌دور. طایفالار - باندلار آراسیندا اولان ایختیلاف‌لار طبیعی‌دیر. آیدین‌لاریمیز طایفالار-باندلار منفعت‌لریندن اونجه بولگه‌نین منفعت‌لرینه باخمالی‌دیرلار. قوی شهریمیزین كندیمیزین ایره‌لیلیشی بیزدن اولمایان اینسان‌لار الی‌له اولسون. هر كس بولگه‌یه خیدمت ائدیرسه گرمی نیوز اونا ال‌لرین وار اولسون دئییر.
3-سیاسی مساله‌لر و بولگه‌ده اولان موشكول‌لر باشدا اولماق‌لا گرمی نیوز چالیشیر بولگه‌نین كندلرین، شاعیرلرین، آدلیم‌لارین، گوزل‌لیك‌لرین و.... تانیتسین. بو یول‌دا آتیلان آددیم‌لار هله‌لیك كیچیك اولسادا گله‌جك‌ده چالیشمالار اوچون یارارلی اولاجاق‌لار. بللی‌دیر كی گرمی نیوز ادبییات قونوسونا ماراق‌لی‌دیر. بونا اساسن بولگه شاعیرلرینین سون شعرلری و یا یازی‌لاری‌ندا بورادا تاپماق مومكون دور....
آرزو ائدیرم كی وئبلاگ یارانما ایل دونومونده فرق‌لی بیر دوروم‌دا یاشایاجاییق.
هامینیزا حورمت‌له؛ گئرمی‌لی
سون یازیلار
