علی داشی-علی چاپان / آیدین؛ میل موغان وئبلاگی
یازار : گئرمي‌لي
+0 به یه ن
میل موغان وئبلاگی آرزو بلاگا كوچدو. گرمی نیوز آیدین به‌یه توتدوغو یول دا اوغورلار دیله ییر. علی داشی-علی چاپان یازی سی بو وئبلاگدان اوخوجولارا سونولور.
تولون ... كندینده، اوجا قایالارین اؤنونده علی داشی آدلی بیر یئر وار. اوردا اوستو سیمان‌لانمیش بیر داش وار و باشینا یازیلیب : امام علی حضرت‌لرینین آنما یئری (محل توسل امام علی).
اورا قوتسال ساییلیر. اوزاقدان-یاخیندان اورا نذیرلر ائدیلیر و گتیریب اوردا پایلانیر. اوردا اولان داشین اوستو یازیلی ایمیش. گؤروندویونه گؤره او داش یئر ییه‌سی‌نین یئری‌نین یاخشی اكیلمه‌سینه انگل تؤره‌دیرمیش. اونا گؤره یئر ییه‌سی اونو یئریندن اوینادیب دره یه هئلله‌دیر. گئجه یاتیر یوخودا گؤرور بیر نئچه آدام اونون جانینا داراشیب‌لار دئییرلر؛ او داشی نییه هئللتدین؟ نئجه هئلله‌دیب‌سن گئد اوجور قایتار یئرینه. او كیشی ساباح تیكه‌لن‌میش داش‌لاری یئرینه قایتاریر و آیریدان داغیلماسین دئیه اوستونو سیمان‌لاییرلار.
ایندی علی داشیندان یوخاری قایادا علی‌چاپان آدلی بیر یئر وار. اورا بو آدی وئرن‌لر اینانیرلار؛ امام‌علی
حضرت‌لری اؤز قیلینجی ایله او قایانی چاپیب (یاریب) و اونون بیر پارچاسی آشاغا
هئلله‌نیب كی، ایندی علی داشی آدلانیر. دئییلدیگینه گؤره علی‌چاپان آدلی
قایانین اوزه‌رینده اولان چئشیدلی شكیل‌لر، ایندی بیر زادا اوخشاماسا دا، جانلی
تاریخیمیز كیمی انسانی دوشنمه‌یه وادار ائدیر. دئمه‌لییم بو كندده «اووشون بره» آدلی
بیر یئرین یاخینلیغیندا اوستونده یازی قازینتیسی اولان داش قوچ وار ایمیش، نه‌یازیق
كی، اون‌بئش-ایگیرمی ایل اؤنجه اوغورلانیب. بونلار بیزیم ایندیلیگیمیزی كئچمیشیمیزه
باغلایان زنجیرین پاخلالاری‌دیرلار. بو پاخلالاری ایندی ساخلاماق‌دا عیرت گؤسترمه‌سك
گله‌جك‌ده اونلارین بوش یئری بیزه آغیر باشا گله بیلر.
سون یازیلار
