گرمی نیوز

بربری اوءچ یوز تومندیر، ائولنیم، ائولنمه ییم

وار حیَطده بیرجه تندیر، ائولنیم، ائولنمه ییم

آی ننه بیر قیز گؤروب سئودیم دئدیم قوربانینام

سنلنم، گؤیچك گلیندیر، ائولنیم، ائولنمه ییم

من یاشیم كئچدی آماندیر، آی ننه بیر چاره قیل

سؤیله مه: دردین نه دندیر، ائولنیم، ائولنمه ییم

ات باها، شالوار باها، ائولر باها، من بینوا

عؤمرومو بیللم گئدندیر، ائولنیم، ائولنمه ییم

آی ننه مندن خاراب بیر یولداشیم ائولندی آ

ائولنن آدملشندیر، ائولنیم، ائولنمه ییم

هر گئجه تای توشلاریم بیر باشقا تویدان سؤز چكیر

هر گئجه بیر ائوده شندیر، ائولنیم، ائولنمه ییم

آی ننه، من كی، پولوم یوخدور نه دیر درمان منه

دردیمین درمانی زندیر، ائولنیم، ائولنمه ییم

ع