بایاتی‌لار / علی محمد خلفی زنگبر
یازار : گئرمي‌لي
+0 به یه ن
میل موغان دیلیمیزین سونسوز خزینه‌سیندن اولان بایاتی‌لاردان یازیب. گرمی نیوز بوتون اوخوجولارین بو یازی‌نی اوخوماغا دعوت ائدیر.
«تورك شعر نؤوونون اَن قدیم نمونه‌سی اولان "بایاتی"دیر. دئمك اولار، "بایاتی"نین یاراندیغی تاریخ، اینسان‌لارین دانیشیق تاریخی ایله برابردیر. بایاتی‌نین دؤرد میصراعی وهر میصراعین یئددی هئجاسی اولور. بیرینجی، ایكینجی و دؤردونجو میصراع‌لار عینی قافیه‌ده، اوچونجو میصراع ایسه سربست‌دیر. "بایاتی"دا اساس ایكی جور باشلیق (موراجیعت) وار كی، اونلارین بیری ایله باشلانیر. او ایكی باشلیق "عزیزیم و من آشیق"دیر. البتته باشقا موراجیعت‌لردن ده ایستیفاده اولونار. ایكینجی و یا دؤردونجو میصراع‌داكی سون دؤرد هئجانین سؤزلری عینی شكیلده باشلیغین آردینجا گلدیكده، بیرینجی میصراع یارانیر.» (1)
البته بایاتی‌لارین نئجه باشلانما باخیمیندان مختلف‌لییینی اؤیرنمك اوچون، بو حاقدا یازیلمیش ادبیات كیتاب‌لارینا باخمانی مصلحت گؤروروك. بیز بوردا ساده‌جه فولكلور قونوسو ایله ایلگیلی، تانیشلیق اوچون بیر نئچه بایاتی اؤرنك گتیرمك ایسته‌دیك.
عزیزیم گؤزل آلما
آغ آلما گؤزل آلما
اصیل آل چیركین اولسون
بد اصیل گؤزل آلما
میغانا بینه گللم
گئدرم گئنه گللم
بیده اَلیمه دوشسؤن
ایمانا دینه گللم
میغانون یاسدی یولی
ائل گلدی باسدی یولی
ایسدییَم دورام گلم
سارو كول كسدی یولی
باشه مئهراجی باغلار
آچر قییغاجی باغلار
باجینون سینیق قلبین
باغلاسا باجی باغلار
عزییَم داشه دوشر
قار یاغار داشه دوشر
قارداشون موشكول ایشی
گئنه ده قارداشه دوشر
قارداش كیشمیش كیمی‌دو
جیبه دوشمیش كیمی‌دو
قارداش الیمی یاننار
بیر ائودن كوسمیش كیمی‌دو
قارداشدر آی قارداشدر
یاغیش یاغار قار باشدر
اؤلسه باجیلر اؤلسون
هئچ اؤلمه‌سون قارداشدر
آغ آلمانون آغلیغینه
قیزیل گولون باغلیغینه
من بو بویه‌تینی دییَم
... ین ساغلیغینه
بو درد منی دنگ ائلَر
ویرار باشه لنگ ائلَر
درد آدامی اؤلدورمز
سارالدار بد رنگ ائلَر
سو گلَر آخار گئدر
ورگانی ییخار گئدر
بو دونیا بی پنجره
هر گلن باخار گئدر
عزیم دوعا یوللادی
سالدی سووا یوللادی
اؤزی گله بیلمه‌دی
گیررو دوعا یوللادی
1- حمزه‌خانلی حسن، تورك شعر فورمالاری، اندیشه نو، تهران، 185صفحه، ص85
بایاتی‌لارین قایناغی شخص آدلاری اولدوغو اوچون بوردا یازیلمادی.
http://www.milmugan.blogfa.com/post-9.aspx
سون یازیلار
