گرمی نیوز

بیزیم آرامیزدا بؤیوك بیر موحاربه قالخاجاق

بؤیوك بیر ساواش

اسیرلر دوتولاجاق

قان‏لار آخاجاق

ائولر ییخیلاجاق

بیزیم آرامیزدا بؤیوك بیر موحاربه قالخاجاق

بؤیوك بیر ساواش

كتاب‏لارا كئچیله‏جك

تاریخ‏لرده یازیلاجاق

مكتب‏لرده، مدرسه‏لرده اوخوناجاق

بیزیم آرامیزدا بؤیوك بیر موحاربه قالخاجاق

بؤیوك بیر ساواش

ازلدن باشلایاركن

ابدی بیر موحاربه اولاجاق بو

دنیزدن باشلایاجاق

صحرالارا چكیله‏جك

و هئچ بیر یئرده توˇكنمه‏یه‏جك

بیزیم آرامیزدا بؤیوك بیر موحاربه قالخااق

بؤیوك بیر ساواش

حربی گمی‏لر چیخاجاق

توپ‏لار، توفنگ‏لر

بومبالار آتیلاجاق

آمان او گوˇندن سئوگیلیم

آمان قیرغین‏لار قوپاران سئوگی‏دن

آیریلیق‏لار قوینوندا یاتان محبّتدن

صحرالاردا ایتن، سرگردان سئودالاردان

آمان او گوˇندن سئوگیلیم

آمان لیلی‏نی مجنوندان آییران سئوگی‏دن

سارایی خان چوباندان

فرهادی شیریندن قوپاران سئودادان

آمان او گوˇندن سئوگیلیم

آمان سئوگی یوروشوندان

بیزیم آرامیزدا سئوگی یوروشو كئچه‏جك

اؤنسوز، سونسوز بیر موحاربه‏دیر بو

صولحو یوخ، باریشی یوخ بیر ساواشدیر بو

http://mahfelak.blogfa.com/post-203.aspx