گرمی نیوز

گرمی نیوز:

موغان و اونون سینیرلاری باره‌سینده اولان بحث اوزونا چكمك‌ده‌دیر. حقیقت و اوجارود آدلی اوخوجولاریم بو باره‌ده یانلیش دوشونجه‌لرینی قئیری دئموكراتیك و قئیری علمی یوللارلا ثابیت ائتمك‌لرینه داوام ائدیرلر و من مجبور اولدوم اونلارین نئچه نظرین قبول ائتمه‌دن سیلیم.
من بوردا بیر تاریخی نقشه گوستره‌جه‌یه‌م. نقشه‌ده موغانین سینیرلاری بللی‌دیر. سیزین‌ده الینیزده هانسی‌سا یازی و یا نقشه وارسا گوسترین. منطقه‌ و یا بولوم ایچینده بولوم اولماق چوخ عادی بیر حال‌دیر. اوجارود موغانین بیر گوشه‌سی‌دیر. موران‌دا اوجارودون بیر گوشه‌سی‌دیر. ظاهرا كندیده مورانین بیرگوشه‌سی‌دیر و....
بونلار چوخ ابتدایی بیر مساله‌لردیرلر. بونلارین باره‌سینده بحث ائتمك چوخ گولمه‌لی‌دیر. من اوزومون عالی تحصیلاتیم جوغرافیا و تاریخی جوغرافیا ایله ایلگی‌لی اولدوغو اساسیندا بئله بیر ساده بحث‌لره گیرمك‌دن گئری چكیلیرم.
هر حالدا سندینیز وارسا من یایماغا حاضیرام. اوغورلار.