گرمی نیوز

دیل‌سیز پایێز

دوكتور جئری

     آلتمێش سككیز پایێز كئچیر مین اۆچ‌ یۆز پیشه‌وری‌دن. اوْخۇل سیس ایچینده‌دیر... زنگ چالێنێر...

   اؤیرتمن كیلاسا گیریر. صینیف باشێ الینی ماسایا تاپدایێر:

-‌ قالخێن!

 اؤیرتمن باشێ ایله ایشاره ائدیر. یئنه ماسا تاپدانێر:

-‌ اوْتۇرۇن!

صینیف‌باشێ اۇجا- اۇجا اوْخۇیۇر:

-‌ فارسی‌

-‌ حاضێر..

-  دینی

-‌ حاضێر..

-‌ ریاضی

-‌ حاضێر..

-‌ ‌‌‌‌‌‌‌آنا دیلی

-‌ ...

‌‌‌-‌ آنا دیلی

-‌ ...

اؤیرتمن باشێنێ قالدێرێر، گؤزلری چیسكینلی‌دیر‌:

-‌ آنا دیلینی دفتردن پوْزۇن... بو ایل‌ده قویمادێلار مدرسه‌یه گلسین...

قایناق ؛ دكتر جئری ساتاشما ادبیاتی